ото

Cайын тунемше-влаклан пӧлек

Шернур районысо «Марий кумалтыш» общине 2013-шо ий гыч тӱҥалын кажне идалыклан «Марий юмынйӱла да пайрем кече-влак» календарьым луктын шога. Кечышотым кундемын тӱҥ онаенже В.М. Мамаев келыштара. Кумшо ий ынде тиде календарь верысе школлаште сайын тунемше-влаклан пӧлек шотеш пуалтеш. Теният общинын еҥже-влак Шорйол пайрем дене (марий У ий дене) саламлаш да пӧлекым кучыкташ Шернур районысо школлашке миеныт, шочмо калыкын йылмыжым да йӱлажым пагалаш, умбакыжат сайын тунемаш сугыньым пуэныт.