2020-шо ийын февраль тӱҥалтышыштыже Шернур районысо «Марий кумалтыш» общинысе Кугурак-влак Каҥашын (Совет старейшинын) погынымашыже эртаралте. Тушто тений кумалтыш-влакын кушто да кунам эрташ тӱҥалмыштым ончен лекме. Шошо да кеҥеж кумалтыш-влакым эртарыме кечым верлаште онаеҥ-влак шкешт палемдат манын пунчалме. Шыжым икмыняр вере ял да мер кумалтыш-влак лийыт, нуным эртарыме графикым погынымашыште пеҥгыдемдыме.
Тиде кечынак онаеҥ да марий юмынйӱла деке кумылан-влаклан семинарым эртарыме. Районысо общине вуйлатыше В.М. Мамаев тӱҥалше онаеҥ-влакым юмынйӯла радам дене палдарен, чын эртарен колташ туныктен, погынышо-влакын йодышыштлан вашештен.
В.Ямбаршев, Шернур районысо «Марий кумалтыш» общинын секретарьже.