Шернур районысо «Марий кумалтыш» общинын Кугурак-влак советшын черетан заседанийже эртаралте. Тушто 2019 ийысе шошо да кенеж кумалтыш — влакым эртарыме нерген ойлымо, иктешлымашым ыштыме. Шыжымсе кумалтыш — влакым каҥашыме. Шернур районышто тиде ийын 14 вере кумалтыш-влакым эртарыме, 5 вере — агавайремым.
Моло ийысе семынак Чумбылат курыквалне Курык кугызалан вуйым савен кумалмаш кугу кӱкшыт дене эртен.
Шыже кумалтыш-влак Шернур кундемыште эртаралтыт:
29 сентбрь — Пунчерйымал, Нурсола;
13 октябрь — Купсола ( Кукнур кундем);
13 октябрь — Лажъял.
Тыгак Шокшемыште мер кумалтыш лиеш.
В.С. Ямбаршев. Шернур районысо «Марий кумалтыш» общинын секретарьже.