Сылнымут огеш лий гын тӱняште,
Мо куан чонемым сылнешта?
Огеш шоч садерыште, пакчаште
Кумыл келыштарыше саска.
Сылнымут
Чонем гыч муро ош тӱняшке велын,
Памаш вӱд семын корным кычалеш.
Ала лиеш сай таҥже чал эҥерын,
Ала кошка аяр кечыйолеш.
Кунам-гынат чыла эрта:
Кеҥежым ма, я йӱштӧ телым.
Поран ӱштеш, я когарта
Ал кече шокшыж ден эрвелне.
Мыйын лу илышем лиеш гын,
Пӧлеклем улыжге тылат.
Йӧршын ом сыре, ом шыдешке,
Налат иктыжым веле гынат.
А мый вучем… Толеш уэш эр шошо, Пеленже угыч шырчыкым конда. Уэш ломбем пеледше ошын-ошын — Тунам чонем шке орлыкшым монда. Чонем монда …
чыла лудаш